Yerbas i yerbeiras

A esso acrecentamos-le l uso tradecional que le era ou ye dado pulas pessonas. Cumo l nome mirandés puode bariar de tierra para tierra, ponemos alantre la tierra ou tierras de la recuolha.
Cumbidamos ls nuossos leitores a cuntrebuir para dar a coincer este tisouro de la nuossa lhéngua i de l saber de l pobo. Queremos apersentar un trabalho rigoroso, an que todos ls nomes séian cunfirmados pulas pessonas que conhécen bien cada yerba.
A cada sumana bamos a apersentar dous ou trés nomes, numarando las yerbas que furmos apersentando para melhor las eidenteficar.

1.
Nome mirandés: Cardo burreilho [Zenízio].
Nome científico: Eryngium campestre.
Nome pertués: Cardo-corredor ou pegotes.
Uso: ye comido subretodo puls burros que, culs beiços gordos, cunsíguen ambrulhar i abocanhar ls picos.

2.
Nome mirandés: Arzola [Sendin].
Nome científico: Onopordum acauthium.
Nome pertués: Acanto-bastardo.
Uso: quemido de ls animales, subretodo de ls cochinos, mas purmeiro era scaldado pa le tirar ls picos.
Recuolha i classeficaçon: Maria do Céu Carvalho de Sousa