Ls Pitos

Houbo un anho mi malo, porque nun habie chobido, i las pessonas, anque tubíssen feito pulas cousas cumo ne ls outros anhos, nun habien colhido pan nien batatas, nien sequiera uas nabiças i uas rabas para le dar a las bacas i cebar l cochinico.
Cumo nesse anho quaisque naide le daba nada, lhembrórun-se de ir a pedir para Zenísio, adondo nunca habien ido. Lhougo na purmeira puorta adonde batírun para pedir un cachico de pan ou otra cousa que fusse, saliu-le ua mulhier que lhougo que ls biu, le dixo:
– Ide-bos ambora, que astanho nun stamos an anho de dar pan a pitos.
Ls garoticos oulhórun un pa l outro mi spantados i dixo l más bielho:
– Bamos-mos ambora, que eiqui yá mos conhécen.

Basílio João